CONGRESSMAN FALEOMAVAEGA CONGRATULATES AMERICAN SAMOA GOVERNOR TAUESE ANDLIEUTENANT GOVERNOR TOGIOLA

admin's picture

CONGRESSMAN ENI F.H. FALEOMAVAEGA American Samoa U.S. House of Representatives Washington, D.C.

NEWS RELEASE January 3, 2001

CONGRESSMAN FALEOMAVAEGA CONGRATULATES AMERICAN SAMOA GOVERNOR TAUESE AND LIEUTENANT GOVERNOR TOGIOLA

Congressman Eni Faleomavaega today issued the following congratulations to Tauese Pita Sunia and Togiola Talalelei Tulafono on their inauguration as Governor and Lieutenant Governor:

Mua pea le viiga ma le fa‘amanu i lo tatou Tama i le lagi ona o Lana pule fa‘a-soifua ua tatou ‘oa‘oa ai nei i faleseu ma sa‘a I ma‘omalie i le lagimama ma le soifua maua i le mamalu ‘ese‘ese o Samoa aemaise le ‘au vala‘aulia.

Nu‘unu‘u atu ia ou pa‘ia Samoa i le au Tulatoa ma le au Fueloloa o lo‘o outou tausi va‘atele i paia o le tatou atunu‘u. Ae o le aso lenei sa taupoina aua le fa‘apa‘iaina o tofiga e pei ona liliu ai le tofa a Amerika Samoa i lau Afioga a le Kovana Sili Tauese Pita Sunia fa‘apea le Kovana Lutena le Matua o Togiola Talalelei Tulafono e toe ta‘ita‘iina le tatou Malo mo le isi fa tausaga oi luma.

Tauese ma Togiola, malo finau, malo fo‘i le fa‘a-tupu ma le fa‘a-tamali‘i. Ia iai pea le fa‘amanuiaga silisili a le Atua i lau Afioga le Kovana Sili fa‘apea lau Susuga le Kovana Lutena ma o oulua faletua i le soifua maloloina. Ia fa‘apea fo‘i ona fa‘amanuia atu le Atua i le poto ma le fa‘autauta aua le ta‘ita‘iina o le tatou Malo.

E le mafai fo‘i ona fa‘agaloina i le loto lau Afioga a le Tapa‘aufa‘asisina, lau Susuga a le Malietoa Tanumafili II, le Ao Mamalu ole Malo o Samoa. Ia manuia lava le fa‘amanatuina o lou aso soifua - ia alofa le Atua ma foa‘i atu pea lou soifua laulelei ma saga fa‘ateleina ni aso fiafia fa‘apenei i le lumana‘i.

E fa‘apea fo‘i lau Afioga a Taufa‘ahau Tupou IV, le Tupu o le Malo o Toga. Ia maua pea e lau Afioga fa‘amanuiaga silisili mai i le Atua.

Soifua.

Rate this article: 
No votes yet

Add new comment