NZ AJENSI KIRAPIM NUPELA POLISI BILONG YANGPELA KANTRI

MELBOURNE, Australia (Radio Australia, May 29) - Agency for International Development bilong New Zealand i kirapim wanpela nupela polisi bilong tred na developmen bilong ol "poor" kantri.

Dispela polisi i lukluk long apim trening bilong bisnis save na givim moni bilong smol bisnis insait long ol "developing" kantri.

Bai ol i sapotim ol "developing" kantri tu long World Trade Organisation na ol malti-nesenel tred toktok, olsem Doha Development Round.

Associate Minista bilong Foran Affairs na Tred bilong New Zealand,Marian Hobbs,itok, bikpela tingting bilong dispela polisi, em i bilong halivim ol "developing" kantri long wokim tred na kam-aut long "poverty".

Em i tok, insait long dispela polisi, ol i bilip olsem ol wok-halivim na tred i mas wok-wantaim long pinisim "poverty".

New Zealand gavman i givim pinis ol "organisation" sampela moa million-dola bilong dispela nupela polisi, na bai ol i usim haf bilong en bilong sapotim "sustainable management" bilong ol "fisheries rescources" insait long Pasifik.

May 30, 2003

Radio Australia: www.abc.net.au/ra 

Rate this article: 
No votes yet

Add new comment