CENTRAL BANK BLONG SI ITOK OL PIPOL IMAS WAS GUT LONG EKNOMI

MELBOURNE, Australia (Radio Australia, June 2) - Gavana blong Central Bank insait long Solomon Islands, Rick Hou i tok ol pipol blong Solomon Islands ino ken stap isi long ting olsem wok ekonomi blong kantri i kamap gut insait long dispela ol mun ikam igo pinis.

Insait long toktok blongen igo long wanpela National Economic Recovery Development Plan wok-sop long Honiara, Mr Hou i tok 'foreign reseves' oa moni blong ol overseas kantri ibin kamap gutpela wantam mak blong ekonomik iwok long kamap gut.

Em itok dispela i kamap wantaim exporting sector, bikpela longen long salim ol palang diwai na kaokao igo overseas na blong daunim dinau blong ol long bank em oli gat nau.

Tasol em itok lukaut olsem dispela bai sanis sapos ol i daunim wol prais blong timba na kaokao.

Hou itok ken olsem ol imas stretim gut loa na oda na kontrolim ol fiscal polisi long larem ekonomi blong kantri i gro.

June 2, 2003

Radio Australia: www.abc.net.au/ra 

Rate this article: 
No votes yet

Add new comment