CHINA NA OL ASIA KANTRI I REDI LONG JEKIM SARS.

MELBOURNE, Australia (Radio Australia, June 2) - China na ol kantri blong South East Asia ibin tok orait long kamapim moa wok long lukluk gut long dispela sik SARS.

Dispela i min olsem ol pipol em ol laik raun igo long ol arapela kantri imas kisim jek long "temeratures" blong ol na pulumapim ol helt pepa oa "declaration fom".

Dispela tingting,i hap blong SARS quarantine plan am gavaman blong China na ol memba blong ASEAN ibin tok orait long en.

Wokabout blong ol pipol long Asia ibin bungim bikpela bagarap stat long taim sik SARS ibin kamap igo bikpela raun long ol kantri blong wol long mun March.

Minista blong Quarantine blong China,LiChangjiang ibin tok nau emi gutpela long ol pipol blong narapela kantri iken igo raun long kantri blong em.

Emi tok dispela tingting China ibin bihainim long stopim SARS i kalap igo long ol arapela kantri istap klostu ibin moa gutpela.

Mr.Li ibin tok em iken tokim ol arapela kantri olsem emi gutpela nau long igo lukluk raun long Beijing.

Em ibin mekim dispela toktok insait long wanpela miting wantaim ol memba kantri blong Association blong South East Asia.

June 2, 2003

Radio Australia: www.abc.net.au/ra 

Rate this article: 
Average: 5 (1 vote)

Add new comment