BUTLER INO HAMAMAS LONG TOKTOK BLONG DOWNER

MELBOURNE, Australia (Radio Australia, June 3) - Man husat i bin 'weapons inspector' blong United Nations bipo, Richard Butler, i tok em ino wanbel tru long toktok blong Australia Foran Minista, Alexander Downer olsem, oli no laik mekim wanpela wok blong painim aut mo sapos ol spai ripot Australia i bin usim blong go long wo agensim Iraq i bin stret o nogat.

Em i tok, em i klia olsem pastaim tasol long wo, Britain na America i bin wok long pamim planti spai ripot igo long ol kantri blong soim olsem, tingting blong wo agensim Iraq i bin stert.

Mr Butler i tok em ino hamamas tru long harim olsem, Mr Downer ino ting, tingting blong mekim wanpela 'inquiry' long dispela samting i bikpela samting.

June 3, 2003

Radio Australia: www.abc.net.au/ra 

Rate this article: 
No votes yet

Add new comment