POLIS LONG SOLOMONS I GO SEVIM PIPAL BLONG WEATHERCOAST

MELBOURNE, Australia (Radio Australia, June 3) - Polis long Honiara i bin go karim sampela pipal i kam aut long Weathercoast blong Guadalcanal long bot, long wanem oli bin kisim ripot olsem, rebel lida Harold Keke na ol sapota i bin reidim sampela vilis long hap long wik i pinis.

Polis i bin karim mo long 40 pipal, namel long ol ol mama na pikinini, bihain long taim sampela lain i bin go kamapim trabal long vilis blong ol na tu long ol vilis insait long Urahai Valley eria.

Ol dispela vilis pipal, husat i bin go kamap long Honiara long wiken, i stap pastaim long ol haus long Rove Police Club.

Oli ting Mr Keke i go pas long ol trabal we oli kilim pinis mo long 30 pipal long dispela eria dispela yar, fopela long ol i bin dai long dispela wik igo pinis tasol, insait long saut kos blong Guadalcanal em i stap longwe tru long Honiara.

June 3, 2003

Radio Australia: www.abc.net.au/ra 

Rate this article: 
Average: 3 (1 vote)

Add new comment