IRAQI ADMINISTRATA ITOK BAI OL I STATIM NUPELA ARMI

MELBOURNE, Australia (Radio Australia, June 3) - Civil administrata insait long Iraq itok ol bai stat 'recuitim' pipol blong wanpela nupela Iraqi armi insait long pinis blong dispela mun June.

Dispela tok-aut ibin kamap bihain long ol olpela soldia ibin holim wanpela protes bung arasait long hetkota blong en long Baghdad.

Paul Bremer itok ol bai painim ol nambawan blong ol ex-servicemen long pinis blong wik ikam.

Em ino bin givim sais blong nupela Iraqi armi.

Tasol, ol ofisal i tok em inap stap long 50,000.

Mr Bremmer itok ol olpela soldia i welkam long aplai long ol wok tasol, em bai hat long ol i kisim ol ken longwanem ol ibin wok wantaim gaman blong Saddam Hussein.

Baghdad iwok long bungim ol protes ikam long ol Iraqi solida long autim bel kaskas blong ol long ol ino gat wok nau.

June 4, 2003

Radio Australia: www.abc.net.au/ra 

Rate this article: 
Average: 2.5 (2 votes)

Add new comment