SOLOMONS POLIS TOKTOK LONG WEATHER COAST

MELBOURNE, Australia (Radio Australia, June 6) - Long Solomon Islands, polis i tok,i luk olsem taim ol polis ibin lusim Weather Coast long Guadalcanal, ol rebel ibin kamapim ol nupela pait long dispela eria.

Polis i wok long kisim ol toktok ikam long moa long 80 pipol bilong ol viles insait long Duidui Ward em ol ibin muvim ol igo long Honiara.

Polis i tok, ating tupela pipol ibin dai insait long ol pait em rebel lida Harold Keke na ol sapota bilong em ibin kamapim.

Direkta bilong Kriminal Investigesins,Jackson Ofu,itok, i luk olsem ol rebel i kamapim dispela pait long ol viles pipol husat i halivim polis insait long wok bilong ol bilong traim holim-pasim Harold Keke.

June 6, 2003

Radio Australia: www.abc.net.au/ra 

Rate this article: 
No votes yet

Add new comment