MELBHONG KONG FRI LONG SARS

MELBOURNE, Australia (Radio Australia, June 24) - Ol atoreti bilong Hong Kong ibin tok-hamamas long wanpela disisen bilong Wold Helt Ogenaisesen long "declare-im" dispela territori i fri long sik-SARS.

Dispela sik ibin kamapim bikpela bagarap long ekonomi bilong Hong Kong na namba bilong ol pipol nogat wok ibin kalap igo antap long 8-point-3 pesent.

Tourism Board bilong Hong Kong i statim wanpela kempen bilong kisim bek turis-maket bilong en wantaim ol "discount packages".

Bikpela balus-kampani bilong Hong Kong, Cathay Pacific, na narapela liklik kampani,Dragon, i "hope" long statim ken olgeta "flights" bilong ol pastaim long mun Septemba.

Niusman bilong mipela long China,John Taylor, i ripot olsem moa long wan-tausen-700 pipol ibin kisim sik-SARS na kolostu 300 pipol ibin dai long en.

20 dei i go pinis nau bihain long ol ibin painim las keis bilong SARS insait long Hong Kong.

Wold Helt Ogenaisesen itok, dispela i abirisim taim bilong "incubation" bilong dispela sik long bodi bilong pipol na nogat moa pipol bilong Hong Kong na ol visita igo long Hong Kong bai kisim dispela sik nau.

Wanpela mausman bilong WHO i tok, dispela em i wanpela bikpela samting i kamap na olgeta wold iken pilim moa "safe" nau long sik-SARS.

Chief Executive bilong Hong Kong,Tung Chee Hwa, ibin tok-hamamas long dispela toktok bilong WHO, tasol ibin tok-lukaut olsem dispela sik iken kamap ken long Hong Kong na i tok Hong Kong mas lainim sampela samting long dispela heve.

June 24, 2003

Radio Australia: www.abc.net.au/ra 

Rate this article: 
No votes yet

Add new comment