NUPELA AUSTRALIA GG TOKTOK

MELBOURNE, Australia (Radio Australia, June 24) - Nupela Gavana Generel bilong Australia,Michael Jeffery,itok,em i laik putim bek bilip bilong pipol long dispela "vice regal" ofis na "hope" olsem dispela wok bai bungim ken ol pipol bilong kantri.

Bai ol i "swear in" long Major Generel Michael Jeffery olsem Gavana Generel long mun Ogas, tasol em i tokaut pinis long "vision" oa plen bilong em bilong dispela wok.

Em i laik putim tingting bilong em long ol yang-pipol na edukesin na i "hope" olsem sampela gutpela samting bai kam-aut long ol bikpela heve ibin kamap long dispela "vice regal" wok ino long taim igo pinis, na ol i mas lukluk moa long ol heve bilong "paedophilia" na "child abuse".

General Jeffery ibin wokim disisen tu long noken kisim militeri "pension" bilong em.

Olpela gavana-generel Dokta Peter Hollingworth ibin risain long mun igo pinis,bihain long toktok ibin kamap ples-klia olsem taim em ibin Anglican Archbishop bilong Brisbane,em ibin larim wanpela pater husat i save bagarapim ol pikinini, i go het long wok insait long "priesthood".

June 25, 2003

Radio Australia: www.abc.net.au/ra 

Rate this article: 
No votes yet

Add new comment