SOLOMONS GAVMAN I SENISIM PLES BILONG MSG LIDA MITING

MELBOURNE, Australia (Radio Australia, June 30) - Solomon Islands gavman i senisim pinis ples oli bin makim bilong wokim miting bilong ol lida long Melanesian Spearhead Group, bihainim sampela wari long sekuriti i kam long Papua New Guinea.

Anda-Sekretri bilong Foran Afes, Sam Tagana, i tok ol sekuriti ofisal bilong Papua New Guinea ino bin pilim gut taim oli harim olsem, dispela miting bai kamap long Gizo long Westen Provins long wanem em i stapklostu long boda wantaim Bougainville.

Olsem na Mr. Tagana i tok, miting tru bai kamap long Honiara na ol MSG lida bai go tasol long Gizo bilong malolo toktok oli kolim - retreat.

MSG miting bai kamap long July, long namba 6 na namba 7 de.

June 30, 2003

Radio Australia: www.abc.net.au/ra 

 

Rate this article: 
No votes yet

Add new comment