FIJI NA VANUATU BAI JOINIM TRANSITION TEAM LONG BOUGAINVILLE

MELBOURNE, Australia (Radio Australia, June 30) - Na nau yet .... Fiji na Vanuatu bai joinim Australia na New Zealand long givim sampela man bilong stap long niupela Transition Team long Bougainville.

Foran Minista bilong Papua New Guinea, Australia na New Zealand i bin sainim wanpela agriment bilong kirapim wanpela tim taim oli stap long Pacific Forum miting long Sydney.

Australia Foran Minista, Alexander Downer, i tok dispela sivilian tim, em Australia bai lidim, bai halvim ol wok bilong Bougainville long kisim otonomi.

Dispela niupela tim bai stat wok tumora, bihain long taim Peace Monitoring Group i bin pinisim wok bilong en tede.

Peace Monitoring Group i bin statim wok bilong en long Bougainville long 1998.

Mr Downer i tok dispela niupela Transition Team i soim wanem samting South Pacific i ken wokim bilong bungim ol trabal i kamap long sekuriti. (pv)

July 1, 2003

Radio Australia: www.abc.net.au/ra 

Rate this article: 
No votes yet

Add new comment