SOLOMONS I TING EM BAI STRETIM LO BILONG 'INTERVENTION FORCE' LONG WIK

MELBOURNE, Australia (Radio Australia, June 30) - Na .. Solomon Islands i ting em bai stretim wanpela loa long wik bihain bilong larim wanpela 'regional intervention force' igo insait long kantri.

Dorothy Wickham i ripot olsem, Deputy Attorney General Ranjit Hewagema i tok inap long taim Attorney General Primo Afeau i kam bek long Australia bihainim ol toktok wantaim ol wanwok bilong em, oli ken stretim ol toktok bilong dispela loa redi bilong Paliment.

Long dispela taim, Solomon Islands Police Act i tok orait tasol long kantri i ken bringim ol polis ofisa bilong narapela kantri igo insait, INO militari.

Mr Afeau nau i stap long Sydney olsem wanpela long deligesin bilong Solomons em i wok long toktok wantaim ol Australian foran afes ofisal, long tingting bilong larim wanpela 'foreign intervention' fos em Australia bai go pas long en, igo long kantri.

July 1, 2003

Radio Australia: www.abc.net.au/ra 

Rate this article: 
No votes yet

Add new comment