SOMARE TOK PRAIVETAISESEN BAI GO HET

MELBOURNE, Australia (Radio Australia, July 3) - Praim Minista bilong Papua New Guinea,Sir Michael Somare, itok, "privatisation program" bilong gavman bilong em i wok long go het yet taim ol i salim sampela long ol liklik "assets" oa bisnis gavman i papa long ol.

Sir Michael ibin wok long bekim sampela askim insait long Palamen na tok olsem bai ol i salim hap bilong ol bikpela "assets" olsem Air Niugini, Harbours Board na Telkom PNG.

Nau yet,Praim Minista i tok, ol ibin kisim tupela ofa bilong samting olsem 11-Million na 12-Million American Dola bilong baim Pacific Place bilding long Port Moresby, na em i ting olsem bai ol i kisim 19-Million American Dola taim ol i salim Hargy Oil Palm.

July 4, 2003

Radio Australia: www.abc.net.au/ra 

Rate this article: 
No votes yet

Add new comment