HAROLD KEKE I LAREM FRI FOAPELA PIPOL MO

MELBOURNE, Australia (Radio Australia, July 7) - Solomon Islands rebel, Harold Keke i larem fri sampela hostage - ol pipol em ibin holim kalabus bihainim wanpela ceasefire.

Dispela ol foapela pipol nau igo pinis long kepital, Honiara long ol ibin larem ol igo fri long Weathercoast blong Guadalcanal.

Shane McLeod i ripot kam long Honiara olsem Harold Keke ino bin sainim Solomons 2000 Townsville peace agrimen, tasol em ibin sainim wanpela ceasefire oa stop-pait long wik-end wantaim wanpela tokman blong gaman.

Keke ibin larem fri foapela pipol, husait i wanpela hap blong ol wokman blong Anglican Sios, em ibin holim kalabus sampela mun igo pinis.

Stop-fait agrimen i kamap taim Solomon Islands Gavna Gneral i wanbel long tingting blong Kebinet long askim halvim blong ol soldia na polis, em Australia bai igo pas longen.

Palimen bai vout long en taim em i bung long Tunde.

July 7, 2003

Radio Australia: www.abc.net.au/ra 

Rate this article: 
No votes yet

Add new comment