AUSTRALIA POLIS NA SOLDIA I KEN USIM "REASONABLE FORCE' LONG SOLOMONS

MELBOURNE, Australia (Radio Australia, July 14) - Bai oli larim ol soldia na polis bilong Australia long usim samting oli kolim "reasonable force" sapos oli usim ol long Solomon Islands.

Shane McLeod i ripot olsem, ating ol bai debate o toktok long loa em bai oraitim dispela intavensen fos taim paliment i sidaun dispela wik.

Australia gavman i bin halvim ol loia long raitim loa em bai givim tok orait long intanesanel fos bilong go insait.

Dispela loa bai sapotim tingting long bringim samting olsem tu-tausen polisman, soldia na ol narapela pipal bilong go long Solomons bilong stretim lo na oda.

Loa bai larim ol long makim ol pipal bilong arasait bilong ol wok, aninit yet long Solomons Police Act, taim em bai halvim ol tu long noken bungim heve long ol lokal lo sapos oli wokim rong taim oli stap long duti.

Insait long lo tu i gat ol toktok i karamapim wok bilong 'weapons surrender' - we pipal i givim bek gan bilong ol, na wok bilong rausim ol gan na samting bilong pait, na wok bilong review o galasim wok bilong intavensen fos olgeta tupela tupela yar.

July 15, 2003

Radio Australia: www.abc.net.au/ra 

 

Rate this article: 
No votes yet

Add new comment