WANEM SAMTING AUSTRALIA BAI MEKIM - HOWARD INO LAIK TOKAUT

MELBOURNE, Australia (Radio Australia, July 14) - Australian Praim Minista John Howard ino laik toktok long wanem samting Australia bai mekim sapos wanpela militari wok i kamap agensim North Korea.

Alison Carter i ripot olsem, Mr Howard i wok long promote o apim 'diplomacy' oa gutpela wokbung wantaimol narapela kantri, olsem wei bilong stretim ol heve i kamap long nuclear weapons progrem bilong North Korea, taim planti pipal i wok long sutim tok long Australia gavman long wokbung tumas wantaim America.

Taim em i lusimw anpela wik lukluk raun long Philippines, Japan na South Korea, Mr Howard bai toktok long tred na ol heve long sekuriti.

Em i tokim 2GB redio stesin long Sydney olsem, em i laik toktok wantaim ol dispela kantri long sapotim wanem samting Australia bai mekim wantaim America long pasim na galasim gut ol sip oli ting i karim ol samting nogut bilong wo.

Lida bilong Australia Oposisen Simon Crean i tok wok-pren namel long Australia na ol kantri klostu long en long Asia, moa yet China, i bagarap pinis long wanem Australia i save wokbung tumas wantaim America.

Australia Praim Minista bipo, Malcolm Fraser, i ting kain pasin bilong gavman nau we em wok long go tasol wantaim American polisi na ino save galasim gut pastaim, i ken kamapim bikpela bagarap long sekuriti bilong Australia.

July 15, 2003

Radio Australia: www.abc.net.au/ra 

 

Rate this article: 
No votes yet

Add new comment