PNG POLIS I SASIM PINIS OLPELA BOS BLONG NASFUND

MELBOURNE, Australia (Radio Australia, July 18) - Polis i sasim pinis olpela bos blong Papua New Guinea national superannuation fund, Jimmy Maladina long stilim mo long 8-million US dola.

Firmin Nanol i ripot kam long Port Moresby olsem ol Fraud Squad ofisa ibin sasim em 24 hawa bihain long ol i askim em wantam 9-pela sas igo long loia blongen, tasol ol ino bin givim igo long ol midia lain igo nap em i kamap long kot.

Bihain ol i kisim Mr Maladina igo long Boroko Police stesin long kisim ol final oda long Port Moresby polis chief, sapos ol bai givim em bail oa nogat.

Jimmy Maladina ibin kamap long kantri long Tunde na loia blong en Greg Sheppard itok em bai defendim em gut tru insait long kot sampela taim long dispela mun.

July 18, 2003

Radio Australia: www.abc.net.au/ra 

 

Rate this article: 
Average: 2.5 (2 votes)

Add new comment