FIJI LEBA PATI INO KISIM ASKIM IET LONG JOINIM KEBINET.

MELBOURNE, Australia (Radio Australia, July 21) - Leba Pati bilong Fiji ino iet kisim askim bilong joinim kebinet bilong Praim Minista, Laisenia Qarase.

Long Fraide igo pinis, Supreme Court bilong Fiji i bihainim kontatusan bilong Fiji na i rul olsem, Leba Pati imas stap insait long nupela kebinet.

Praim Minista ibin holim ol kokas miting long wiken wantaim ol koalisan pati membas bilong taim long pasim tingting long wanem samting oli bai mekim.

Ol i ting olsem, tupela lida bai holim miting long Trinde, long namba-wan taim bihain long ruling ikam long Supreme Court

July 22, 2003

Radio Australia: www.abc.net.au/ra 

 

Rate this article: 
No votes yet

Add new comment