DAI BLONG TUPELA PIKININI MAN BLONG SADDAM HUSSEIN BAI PINISIM TINGTIN

MELBOURNE, Australia (Radio Australia, July 23) - Australia Gavman i bilif olsem dai blong tupela pikinini man blong Saddam Hussein bai i pinisim ol tingting poret na sindaon nongut namel long ol Iraqi pipal.

Stephanie Kennedy i ripot olsem American army i tok Uday na Qusay Hussein i bin dai long reid long Mosul taon long Northern Iraq.

Praim Minista John Howard i tok dai blong tupela pikinini man blong Saddam i wanpela bikpela step foward long gutpela sindaon i kamap long pipal long Iraq.

Foreign Minista Alexander Downer i ting dai blong ol pikinini blong Saddam bai i soim pipal blong Iraq olsem pawa na gavman blong Saddam nau i dai pinis ,em nogat nau.

Labor Simon Crean i tok welkam tu long despela nius.

July 24, 2003 

Radio Australia: www.abc.net.au/ra