FAIFPELA SOLDIA BILONG AMERICA I DAI

MELBOURNE, Australia (Radio Australia, Jul 27) - Ol ibin kilim narapela faifpela soldia bilong America insait long Iraq aninit long 24 haua.

Gina Wilkinson i ripot, ol ino stop long pait igo long ol soldia bilong America bihain long ol i bin kilim tupela pikinini man bilong Saddam Hussein long wik igo pinis.

Insait long nupela birua, ol i bin kilim wanpela US marine na narapela i bin kisim bagarap long bodi, taim sampela pipal ibin hait stap na pait igo long ol long southern Iraq.

Long narapela birua ken, ol ibin kilim wanpela soldia na tupela ibin kisim bagarap long bodi long west bilong kapital, taim ol ibin pait igo long wanpelaEngineering Unit.

Ol ibin pait wantaim ol liklik gan, rocket probelled grenades na ating ol bom ol pipal iet ibin wokim long haus bilong ol.

Tripela soldia ibin dai insait long taim wanpela Grenade ibnin pairap long wanpela Children's Hospital, em ol i gad long en insait long Baqubah taun, samting olsem fifti kilomita long north bilong Baghdad.

Tenpela (10) soldia i dai pinis bihain lnog ol soldia bilong America ibin kilim Uday na Qusay Hussein long wik igo pinis, na ol Koalisan Foses nau i stap redi na was gut tru long bekim bek bilong ol sapotas bilong Saddam Hussein.

July 28, 2003

Radio Australia: www.abc.net.au/ra

Rate this article: 
Average: 4 (1 vote)

Add new comment