OL SOLO POLISMAN I GIVIM BEK 38 GAN

MELBOURNE, Australia (Radio Australia, July 29) - Ol lida bilong Solomon Islands Intervention Force i tok oli hamamas long namba bilong ol gan em ol Solomon Islands polisman i bin givim bek long han bilong ol aste long nait.

Sean Dorney i ripot olsem, ol gan ol polisman nau i wok insait long polis fos i bin givim bek, pastaim long taim Police Commissioner i bin makim long ol long givim bek, i bin 38.

Nogat man i nap tok stret long hamas gan i lus yet long wanem ol buk na rekod bilong Solomon Islands Police armoury ino stret.

Tasol Special Coordinator bilong Intervention Force, Nick Warner i tok oli save hamas gan igo bek pinis long han bilong ol otoriti na ino moa stap long han bilong pipal long Honiara.

Warner: "As of 10 p-m last night which was the deadline there were 38 weapons handed in and two-thousand-248 rounds of ammunition."

Mr Warner i tok namel long dispela 38 gan i bin igat sampela SR-88's na fopela light machine guns, sampela narapela samting tu bilong pait, namel long ol ol shot guns na sampela pistol.

Deputy Police Commissioner husat i lukautim wok bilong kisim bek ol gan, Ben McDevitt, i tok wanwan long olgeta gan oli rausim long han bilong pipal i makim wanwan liklik victory oa win.

July 30, 2003

Radio Australia: www.abc.net.au/ra

 

Rate this article: 
No votes yet

Add new comment