AL QAEDA I TOK LUKAUT LONG BAGARAPIM AMERICA

MELBOURNE, Australia (Radio Australia, Aug. 4) - Ripot i tok, Al Qaeda terror network i mekim niupela toktok bilong kamapim ol niupela trabal agensim America.

Em i tok America bai peim bikpela prais sapos em i bagarapim wanpela long ol Afghani husat nau i kalabus long Guantanamo Bay.

Trish Mitchell i ripot olsem, dispela tok lukaut bilong al-Qaeda i bin kamap long wanpela brodkas, em oli tok wanpela deputi bilong Osama bin Laden i bin wokim.

Arab televisen long Dubai i bin brodkas long dispela tape, em oli tok i bin voice o maus bilong al Qaeda nambatu komanda, Ayman al-Zawahri.

Dispela voice i tok, America i bin toksave olsem em bai stat putim ol Muslim kalabus long Guantanamo Bay long militari kot, na ating em bai givim ol 'death penalty'.

Em i gohet na tok, em i promi olsem America bai peim bikpela prais sapos em i wokim olsem, na i tok lukaut olsem, pait tru tru ino stat yet.

Arab television i bin tok, dispela voice i bin bilong al Zawahri, tasol em ino tok klia moa long en.

August 4, 2003

Radio Australia: www.abc.net.au/ra

 

Rate this article: 
Average: 4.5 (2 votes)

Add new comment