I TAMBU LONG OL SOLDIA I BAIM SAMTING LONG MAKET

MELBOURNE, Australia (Radio Australia, Aug. 4) - Oli tok lukaut pinis long ol soldia insait long Solomon Islands intervention force olsem, oli ken salim igo bek long ples sapos oli baim samting long ol lokal maket insait na raun long Honiara.

Sean Dorney i ripot olsem, dispela toksave i stap long Honiara international ples balus we sampela long ol memba bilong intervention force i wokim kem bilong ol.

Leiutenant Colonel Frewen i tok long dispela toksave olsem, ol memba bilong militari i noken baim samting long ol sto oa maket sapos oli no kisim pastaim tok orait.

Toksave ino tok klia bilong wanem na oli tambu long ol soldia long noken baim samting long sto na maket olsem, tasol toksave i tok, sapos oli painim wanpela soldia i burukim dispela rul, militari bai mekim save long em oa bai oli salim em igo bek long kantri bilong en.

Na nau yet, nambawan lain soldia bilong Papua New Guinea long joinim Solomon Islands intervention force i kamap pinis long Honiara.

August 4, 2003

Radio Australia: www.abc.net.au/ra

 

Rate this article: 
No votes yet

Add new comment