NAMBA TRI WIK LONG FIJI POLITIK

MELBOURNE, Australia (Radio Australia, Aug. 5) - Ol lida blong ol poltical pati husat i save lukim wanpela narapela olsem birua long Fiji politik nau i stap long namba tri wik long toktok.

Oli wok long toktok blong traim na stretim tok long heve long gavman bihaenim wanpela kot decision em i bin givim oda long Fiji gavman long kirapim wanpela malti-racial cabinet oa gavman em bai i gat ol man i makim olgeta laen kala skin pipal.

Kot i bin givim oda long Fiji Praim Minista Laisenia Qarase gavman em i makim ol asples Fiji pipal long bringim in ol memba blong Fiji Labour pati tu igo insaet long gavman blongem.

Ethnic Indian na Praim Minista bifo, Mahendra Cahudhrey i lida blong Fiji Labour Pati.

Long ku, em i bin kamap long Fiji long mun May, 2000, oli bin rausim Mr. Chaudhrey na gavman blongem.

Mama loa oa constitution blong Fiji long nau, em namba-tri stat long taim kantri i kisim independens long 1970, i kam i nap nau, i toktok long husat pati i winim election , em i mas putim ivait igo long ol pati em birua blongen, long joinim cabinet oa gavman bihaenim hamas percentage long vot long general election oli kisim.

Mr. Qarastas i no laikim tumas long givim cabinet sia igo long Fiji Labour pati.

Long lastpela election Labour pati i bin winim tupela-ten-seven sia long Paliamen.

August 5, 2003

Radio Australia: www.abc.net.au/ra 

 

Rate this article: 
Average: 2 (1 vote)

Add new comment