AUSTRALIA PRAIM MINISTA ITOK EM INO TRU LONG OPPOISITON ITOK OL BAI RA

MELBOURNE, Australia (Radio Australia, Aug. 5) - Praim minister bilong Australia itok, em ino laikim toktok bilong lain Opposition olsem " I luk olsem Australia bai nogat ol long range strike fighter aircraft inap long narapela tenpela (10) yar.

Opposition Labour Parti itok, emi girap nogut long harim wanpela ripot olsem, Gavman iwok long tingting long rausim olgeta ol olpela F-ONE-11's pait balus bilongen pastaim long pinis taim bilongen stret.

Melanie Christiansen ripot olsem , sampela taim long despela yar cabinet bai lukluk na skelim tingting long wanem ol kain senis ol iken kamapim insait long Defence na wanpela long ol tingting i bilong rausim tripela ten faive (35) ol F-111 olgeta long yar 2006 , klostu long tenpela yar pastaim long ol senis bilong ol despela long range strike fighter balus ikamap long kantri .

Chris Evans bilong Labour opposition ino hamamas olsem kantri bai inogat ol senis yet bilong ol despela pait balus stat long 2006 igo inap wanem taim oli kisim.

Defence Minister Robert Hill ino bin opim maus long sapos ol bai rausim olgeta ol F-111 pastaim long taim bilong ol stret tasol Prime Minister John Howard ibin tokuat olsem despela bai inoken kamap .

Ol tokorait istap nau olsem- ol bai rausim or pinsim olgeta ol despela F-111 pait balus namel long, 2015 2020.

August 6, 2003

Radio Australia: www.abc.net.au/ra 

 

Rate this article: 
No votes yet

Add new comment