S.I GAVMAN I LAIKIM BILL OF RIGHTS LONG NUPELA MAMA LO.

MELBOURNE, Australia (Radio Australia, Aug. 14) - Solomon Islands Minista i lukautim Provinsal Gavman i tok, gavman i laikim Bill of rights bilong kantri i stap insait long nupela mama lo.

Dorothy Wickham i ripot ikam long Honiara olsem, Walter Naezon ibin tokim Radio Australia long wanpela toktok bilong em olsem, ol i nau mas gat Bill of rights insait long mama lo bilong kantri.

Em i bin tokaut tu olsem, dispela bai luksave tu long Chief sistem na sampela pasin bilong kalsa long kantri.

Naezon i tok, ol i ting Kebinet bai givim tok orait long en long mun Sptember bihain long ol toktok long en ipinis na putim igo long palamen long mun November.

August 14, 2003

Radio Australia: www.abc.net.au/ra  

 

Rate this article: 
No votes yet

Add new comment