AUSTRALIA BAI INONAP LONG KISIM WOK BLONG FORUM

MELBOURNE, Australia (Radio Australia, Aug. 14) - Jans blong Praim Minista blong Australia,John Howard,igat wanpela man long laik blong em long bikpela wok long Pacific Islands Forum nau ino luk gutpela tumas.

16 ol lida blong Pacific Islands Forum bai bung tumoror long painim tingting na makim husait tru bai kamap nupela Sekretari General blong Forum.

Sean Dorney i ripot ikam long Auckaland,sikispela ol liklik kantri,ibin kamapim tingting blong ol pinis olsem ol bai inonap sapotim olpela dilpomat blong Australia,Greg Irwin long kisim dispela wok.

Ol wok kempein blong Australia long givim sapot blong ol long Greg Irwin long go pas long Pacific Islands Forum Secretairait ibin igo inap moa long wanpela yar nau.

Tasol wanpela de pastaim long oli kamapim dispela tingting,sikispela liklik kantri em oli memba blong Forum, ibin autim klia tingting blong ol olsem,oli laikim yet dispela wok imas igo long wanpela man blong Pacific Island.

Siaman blong ol liklik island kantri,em long Praim Minista blong Cook Islands,Robert Wooton,ibin tok ol lida blong Cooks,Marshall Islands,Nauru,Kiribati,Tuvalu na Niue ibin holim toktok blong ol tede long moning na ibn kamapim tok orait olsem wanpela Pacific Island man yet imas kisim dispela wok.

Arapela tripela kendideit ibin kam long Samoa,Tonga na Nauru.

August 15, 2003

Radio Australia: www.abc.net.au/ra 

 

Rate this article: 
Average: 3.2 (6 votes)

Add new comment