FIJI PRAIM MINIST NAU I BILIP OL HEVE LONG OL WOK POLITIC KLOSTI BAI P

MELBOURNE, Australia (Radio Australia, Aug. 18) - Fiji Prime Minister, Laisenia Qarase,igat strongpela bilip olsem ol tingting wari long wanpela bung party cabinet or multi-party cabinet klostu bai pinis.

Mr Qarase ibin mekim despela toktok taim em ibin wok long givim toktok long ol bisnis komuniti bilong Auckland insait long wanpela bung long pinis bilong wik.

Em ibin tok, ol toktok bilong em wantaim Labour Party lida , Mahendra Chaudhry, ibin igo gut na ol bai tokaut long laspela hap decision long cabinet long pinis bilong despela mun.

Tasol , Mr Qarase itok ken olsem , Mr Chaudhry mas kamapim tingting yet long sapos Labour bai joinim cabinet or kamap Opposition Pati bilong Fiji.

Em ibin tok klia long ol pipol long despela bung olsem maski oli painim wanpela gutpela rot bilong stretim ol heve na kamapim wanpela wanpela Multi Pati Cabinet - ol heve bilong ol insait long wok politik bilong Fiji bai istap yet.

August 19, 2003

Radio Australia: www.abc.net.au/ra 

 

Rate this article: 
No votes yet

Add new comment