INTERNAL SEKURITI I KISIM MONI BLONG GRIS.

MELBOURNE, Australia (Radio Australia, Aug. 24) - Internal Sekuriti Minista blong Papua New Guinea,Bire Kimisopa,ibin tok sampela long ol wokman blong em ibin kisim sampela kain gris moni olsem oli ken larim ol "illegal immigrants ikam insait long kantri.

Emi tok samela long ol offisa istap long dispela depatment em ikam aninit long lukaut blong em,iwok long pasim eye blong ol dispela pasin blong ol pipol blong ol arapela kantri isave kam insait nating wantaim tu ol pasin blong bringim hait ol gan.

Emi tok emi gat sampela save olsem inap samting olsem 10-tausen ol "illegal immigrants"nau istap long Papua New Guinea long wanem ol offisa long depatment "ino traim hat"inap long lukluk long ol dispela heve.

Mr.Kimsopa ibin tok em igat tingting long klinim aut dispela dipatment.

Emi tok ol offisa painim dispela ol pasin i moa gutpela na long wanem long ol heve blong katim ol wokman na badget...dispela i bagarapim tru tingting blong ol long wok gut.

Minista ibin tok em bai bringim wantaim olgeta agensi,em oli stap insait long dispela wok,long toktok wantaim ol long dispela heve.

August 25, 2003

Radio Australia: www.abc.net.au/ra

 

Rate this article: 
No votes yet

Add new comment