OLI TOKIM LOIA LONG INO KEN MAKIM HAROLD KEKE.

MELBOURNE, Australia (Radio Australia, Aug. 28) - Wanpela New Zealand loia i tok long em i makim Solomon islands rebel lida, Harold Keke nau i stap long rum gat ibin kisim toksave pinis olsem, ol i no laikim sevis oa halivim bilong em.

Loia, John Moroney ibin igo kamap long Honiara long Tunde na i tok, ol ofisal bilong Intervention Force em Australia igo pas long ol ibin pasim em long igo lukim Mr.Keke.

Mr. Moroney i tok, wanpela New Zealander nau is tap long Honiara ibin askim em long igo makim rebel lida, husat ibin bihainim iet askim ikam long Mr. Keke.

Tasol, ol ofisal bilong Public Solicitors Office long Solomon Islands i tok, ol i gat toksave ol ibin raitim ikam long rebel lida, long wanpela gavman loia i makim em insait long kot.

Mr.Keke, husat i fesim ol sas, namel long ol bilong traim kilim man, stil , ibin tokim Pablik Solicitor, Ken Averre, olsem em ino laik bai loia bilong New Zealand i makim em long kot.

August 28, 2003

Radio Australia: www.abc.net.au/ra 

 

Rate this article: 
No votes yet

Add new comment