WANPELA MINISTA BILONG RUSSIA INO HAMAMAS BIHAINIM BIRUA LONG WANPELA

MELBOURNE, Australia (Radio Australia, Sept. 1) - Defence minista bilong Russia ibin sutim tok long despela kain pasin bilong Russia long wetim ol sans oltaim - pastaim long oli mekim sampela samting bilong abrisim ol birua isave kamapim long ol ship na submarin bilongen isave igo daun long solwara.

Em ibin mekim despela toktok bihain long wanpela nuclear-powered submarine ibin igo daun long solwara na 9-pela kru ibin idai.

Despela olpela attack submarine ibin igo daun long Barents Sea insait long wanpela taim nogut long solwara long sarere taim narapela ship ibin wok long pulim em igo long wanpela scrap yard.

Despela birua i mekim Russia i tingtim beck wanpela taim nogut - bihain long wanpela sabmarine oli kolim Kursk ibin igo daun long solwara long despela same eria tripela yar igo pinis we emi kostim Russia bigpela moring tru bilong traim stretim na klim ol heve despela sabmarin ibin kamapim .

Despela ibin mekim minister Sergei Ivanov i tingting planti longen na em ibin tokaut i olsem - em bai tambuim pastaim despela pasin bilong pulim ol olpela ship na sabmarin igo long ol scrap.

Mekim ol toktok pastaim long President Vladimir Putin igo beck long bihain long wanpela lukluk raun bilongen igo long Sardinia, Mr Ivanov ibin tok tu olsem - ikam inap nau inogat ol strongpela poisin nogut or radiation long hap bilong Barents Sea bihainim despela birua.

September 1, 2003

Radio Australia: www.abc.net.au/ra

Rate this article: 
Average: 4 (2 votes)

Add new comment