ABU BAKAR BASHIR I TOKIM OL SAPOTA STAP ISI

MELBOURNE, Australia (Radio Australia, Sept. 2) - Man husat oli tok em bikpela lidaman blong Jemaah Islamiah, Abu Bakar Bashir i tokim pinis ol sapota blongem long wanpela Jakarta kot long stap belisi.

Niusman blong Radio Australia long Indonesia, Tim Palmer i ripot olsem planti handret sapota blong despela sios lida, i wok long bung long strit,we kot i stap longen na wet longpela taim long harim ruling long treason trial, em oli wok long ridim aut nau.

Tim Plamer i ripot olsem planti sapota insaet long kot haus i bin sinagut bikpela taim Abu Bakir Bashir i bin go insaet.

Long insaet long kot em i bin tanim fes blongem na smail, bihaen em i bin kirap na tokim ol sapota blongem long noken kamapim trabal maski sapos kot i givim em bikpela mekimsave long kalabus, long wanem em i tok God bai i larim ol i win yet.

Bashir bai em i nap go kalabus i nap em bai i dai long haus-kalabus long "treasson" oa bagarap em oli sutim long em long laik kamapim long kantri, long taim em i bin wok long redim plen blong pairapim ol bom blong kilim Megawati taim em i bin Vice President na long bagarapim gavman blong Indonesia.

Ol lawya blongem i tok despela kotcase blongem ino kamap stret bihaenim minign blogn loa long wanem man i bin ki-witnes i bin givim, i bin stap long narapela kantri na em i bin putim toktok blognem long video.

September 3, 2003

Radio Australia: www.abc.net.au/ra 

 

Rate this article: 
No votes yet

Add new comment