AUSTRALIA I TOK OL PLEN I WOK LONG GOHET LONG WOKOBAUT BLONG MR. DOWNER

MELBOURNE, Australia (Radio Australia, Sept. 2) - Australia i tok ol plen i wok long gohet yet long wokobaut blong Foreign Minista, Alexander Downer igo long Papua New Guinea, maski Somare gavman i wok long tok em i no redi yet long holim ol toktok long Aid oa halivim long mon em Australia i save givim.

Wanpela mausman blong Mr. Downer i tok ofis blongem i lukim pinis ol ripot olsem Papua New Guinea Gavman i bin askim long Foreign Minista i larim pastaem despela wokobaut blongem, em oli binmakim long kamap long 10th na 11th blong dispela mun Septemba.

Tasol em i tok em i no bin kisim wanpela askim i kam long Papua New Guinea long em i stopim wokobaut blong Mr. Downer igo log Port Moresby, blong toktok long hau oli ken kisim na usim halivim oa moni i kam long Australia long ol wok long kantri.

Despela mausman i tok Mr. Downer i gat bikpela laik long mekim despela wokobaut igo long PNG we oli ken sindaon na toktok gut long despela aid program.

Em i tok anpela senior Australia diplomay, Bob Cotton, i bin go long Papua New Guinea long wik igo pinis wantaem wanpela pas i kam long Praim Minista John Howard blong rediim rot blong wokabaut blong Mr. Downer blong holim toktok wantaem Somare Gavman.

September 3, 2003

Radio Australia: www.abc.net.au/ra 

 

Rate this article: 
No votes yet

Add new comment