SINIA GAVMAN MINISTA I LAIKIM OL I STRETIM GUT LIDASIP KOUD.

MELBOURNE, Australia (Radio Australia, Sept. 2) - Wanpela sinai gavman minista i askim Ombudsman Commission bilong Papua New Guinea i mekim olgeta samting em i ken bilong pasim ol lus hap oa loopholes bilong lidasip Code bilong kantri.

Niusman bilong mipela long Port Moresby, Firmin Nanol, i ripot olsem, Inter-government Relations Minister, Sir Peter Barter i tok insait long Australiasian na Pacific Ombudsmaen Conference long Madang olsem, putim ol lus hap insait long leadership code i larim ol lida i abrusim ol mekimsave long ol toktok bilong ol ino mekim gut wokbilong ol olsem lida na i risain oa oli pinisim ol apointment bilong ol.

Emitok, oli mas givim Ombudsman Commission pawa tru bilong kisim ol lida igo long kot long oli brukim loa.

Emi tok, long nau, emi mekim ol wok painimaut na putim nem bilong ol lida igo long Public Prosecutor husat ken i askim Chief Justice bilong makim wanpela Leadership Tribunal bilong kisim ol lida igo long kot long ol toktok bilong oli mekim ol samting rong.

September 3, 2003

Radio Australia: www.abc.net.au/ra 

 

Rate this article: 
No votes yet

Add new comment