OL PROSECUTOR I LAIKIM TWENTY KALABUS BLONG IMRON

MELBOURNE, Australia (Radio Australia, Sept. 3) - Ol Indonesia prosecuta i asim pinis ol jas long kalabusim man em oli saspectim em long pairapim bom long Bali, Ali Imron i nap long tupela-ten yiar.

Kot i bin salim bikpela brata blong Imron, Amrozi igo long kalabus i nap em bai indai.

Ol prosector i bin strongim toktok blong ol long ol jas long narapela tupela man em ol saspect, narapela bikpela brata, nem blongem Mukhlas na Imam Samudra i mas facim wanpela firing squad.

Imron, krismas blongem, i tripela-ten-tri (33) husat ibin tokaut stret olsem em i bin stap insaet long plen blong pairap bom, i bin stap insaet long plen blong autim sori long bomblast long mun Octoba long tupela nait-klap em i bin pulap long pipal yiar igo pinis, em i bin kilim indai tupela handret-na-tu pipal olgeta.

Prosecutor i bin tok Imron, em yet wanpela i bin tok em i bin wokim despela trabal, na tok em i bin asua na em i sori longen.

Ol jas ino tokaut yet long ruling na bai oli noken bihaenim ol despela deamnd taim oli tokaut long decision blong kot logn wanem kain mekimsave.

Imron i tok yes em i bin halivim long putim wantaem bom long bas oa van em i bin pairap na kilim indai planti pipal long Sari klab, em i bin putim narapela bom autsaet long American consulate em i bin pairap tasol nogat bagarap em i bin kamapim, tu em i bin givim instruction igo long tupela sucide bomba.

September 4, 2003

Radio Australia: www.abc.net.au/ra 

 

Rate this article: 
No votes yet

Add new comment