TRIPELA I DAI LONG BIRUA BLONG SIP

MELBOURNE, Australia (Radio Australia, Sept. 3) - Long French Polynesia oa Tahiti, oli bin tokaut pinis long tripela pipal i dai pinis na narapepela foapela i wok long lus yet bihaen long wanpela feri oa sip em i save ropn namel long ol alan i bin go-daon long solwara long taim-nongut long sia asde nait.

Sean Dorney i ripot olsem ol laen blong halivim i bin painim na halivim tupela-ten-wan pasindia logn despela bot.

Ol French militari em oli base long Tahiti i bin statim bikpela rescue operesen we oli bin usim ol navy sip, ol maritime serveilans balus na helikopta blong lukluk na painim despela feri, The Tahiti Nui Four, taim em i bin stat long salim aut ol signal blogn toksave em i painim birua long nait.

Em i bin bungim bikpela sibruk long Austral archipelago, long area igo long south blong Tahiti, na wara i bin wok long go insaet longen.

Territorial gavman husat i putim aut wanpela nius ripot long despela rescue operesen, i bin chaterim wanpela balus blong lukluk, painim despela bot.

Ol laen blong givim halivim i bin painim despela bot i bin kapsdait pinis na oli bin kisim aut na halivim wanpela-ten-foa pipal husat i bin wok long sindaon long wanpela dingy.

Oli save olsem tripela pipal, namel long ol capten blong despela ferri ibin tringim solwara na dai na narapela foapela i wok long lus yet.

Wanpela-ten foa em oli bin painim ol, oli kisim ol igo long Rurutu island na nau oli wok long kisim marasin.

Planti long ol pipal antap long despela bot, i save wok long wanpela construction kampany husat i wok long wokim wanpela niupela ples balus long Rimatora ailan.

September 4, 2003

Radio Australia: www.abc.net.au/ra 

 

Rate this article: 
No votes yet

Add new comment