NZ GREENS TOK LONG SASPENDIM TONGA LONG KOMONWELT

MELBOURNE, Australia (Radio Australia, June 6) - Green Pati bilong New Zealand i tok, Komonwelt ov Nesens mas tingting long saspendim Tonga sapos em i go het wantaim ol bikpela plen bilong daunim "media freedom."

Aste, gavman bilong Tonga ibin putim-kamap wanpela "constitutional amendment" oa senis long mama-loa, em sapos i kamap loa, bai pinisim "media freedom" na lukim olsem "judiciary" inogat paua bilong senisim sampela loa.

Mausman bilong Foran Affairs bilong Green Pati,Keith Locke,itok, nambawan samting Komonwelt mas mekim, em long tokim strong gavman bilong Tonga long rausim dispela "legislation" oa loa.

Tasol, em i tok, sapos King i tok-strong long go het wantaim dispela loa na dispela loa i pasim maus bilong pipol long Tonga long toktok agensim gavman, orait Komonwelt mas mekim sampela samting na mekim kain samting em ibin wokim long Fiji, we em ibin saspendim kantri long Komonwelt.

Mr Locke i tok, New Zealand,husat ibin sanap strong agensim ol samting i kamap long Zimbabwe, mas wokim wankain samting na tok strong long ol i givim wankain mekim-save long Tonga, sapos ol i oraitim dispela senis long mama-loa bilong kantri.

June 6, 2003

Radio Australia: www.abc.net.au/ra 

Rate this article: 
No votes yet

Add new comment